नेकपा (एमाले) को पाँचौा राष्ट्रिय महाधिवेशन २०४९ माघ १४ गतेदेखि २० गतेसम्म काठमाडौँमा सम्पन्न भएको थियो । काठमाडौँको दशरथ रंगशालामा उद्घाटित महाधिवेशनको बन्दशत्र कमलादीस्थित प्रज्ञा प्रतिष्ठानको हलमा सम्पन्न भएको थियो । २०४६ को संयुक्त जनआन्दोलनपछि अन्तरिम सरकार, नयाँ संविधान निर्माण र २०४८ को आमनिर्वाचन सम्पन्न भएर प्रतिनिधिसभामा ६९ सिट प्राप्त गरी प्रमुख विपक्षी दलको हैसियतमा स्थापित भइसकेको हुनाले नेकपा (एमाले) को उक्त महाधिवेशन राष्ट्रिय र अन्तर्राष्ट्रिय रुपमा चर्चाको विषय बनेको थियो । बहालवाला प्रधानमन्त्री कृष्णप्रसाद भट्टराईलाई पराजित गरी दुई निर्वाचन क्षेत्रबाट जितेका कारण पार्टी बाहिरका लागि पनि मदन भण्डारी आकर्षणको केन्द्रमा भएको पृष्ठभूमिमा उक्त महाधिवेशन आयोजना भएको थियो । यस महाधिवेशनले उहाँद्वारा अघि सारिएको जनताको बहुदलीय जनवादलाई नेपाली क्रान्तिको कार्यक्रमका रुपमा अंगीकार गरेको थियो, जुन समयक्रममा नेपाली क्रान्तिको नवीवत विचार र मार्गदर्शक सिद्धान्तका रुपमा स्थापित भएको छ ।

पाँचौँ राष्ट्रिय महाधिवेशनले मनमोहन अधिकारीलाई अध्यक्ष र मदन भण्डारीलाई महासचिव चयन गर्दै नयाँ नेतृत्व निर्माण गरेको थियो । २०५० जेठ ३ गते चितवनको दासढुंगामा रहस्यमय जीप दुर्घटनामा परी महासचिव मदन भण्डारीको निधन भएपछि केन्द्रीय कमिटी बैठकले माधवकुमार नेपाललाई महासचिव चयन गरेको थियो ।

नेकपा (एमाले) पाँचौँ राष्ट्रिय महाधिवेशनबाट निर्वाचित केन्द्रीय कमिटी (मनोनयनसहित) २०४९, माघ १४–२०, प्रज्ञाभवन, काठमाडौं