स्थानीय तह निर्वाचन २०७४

२०७२ मा संविधानसभाबाट नेपालको संविधान जारी भएपछि २०७४ वैशाख ३१ गते पहिलो चरण, असार १४ गते दोस्रो चरण र असोज २ गते तेस्रो चरण गरी पहिलो पटक स्थानीय तहको निर्वाचन सम्पन्न भएको थियो । ६ वटा महानगरपालिका, ११ वटा उपमहानगरपालिका, २ सय ७६ वटा नगरपालिका र ६ हजार ६ सय ८४ वटा गाउँपालिकामा निर्वाचन भएको थियो । “समृद्धि, समानता र सवल राष्ट्रको आधार, गाउँदेखि केन्द्रसम्मै एमालेको सरकार” भन्ने मूल नाराका साथ नेकपा (एमाले) स्थनीय तहको चुनावमा होमिएको थियो ।

२९४ पालिकामा मेयर / अध्यक्ष, ३३१ पालिकामा उपमेयर / उपाध्यक्ष, २,५६० वडा अध्यक्ष र १०,९१२ जना वडा सदस्यहरू निर्वाचित भएर पहिलो शक्तिका रूपमा नेकपा (एमाले) उपस्थित भयो । नेपाली कांग्रेस जम्मा २६६ पालिकामा मेयर / अध्यक्ष, २२३ पालिकामा उपमेयर / उपाध्यक्ष, २,२८६ वडा अध्यक्ष र ८,६७९ जना वडा सदस्यहरू निर्वाचित गरेर दोस्रो दल बनेको थियो भने नेकपा (माओवादी केन्द्र)ले १०६ पालिकामा मेयर / अध्यक्ष, १११ पालिकामा उपप्रमुख / उपमेयर, १,१०२ वडा अध्यक्ष र ४,१२३ जना वडा सदस्यहरू जितेको थियो । यस निर्वाचनमा भाग लिएकामध्ये १८ वटा दलले केही न केही सिट जितेका थिए ।

दलहरू, निर्वाचन परिणाम र तुुलना