२०७१ असार १९ देखि साउन १ गतेसम्म काठमाडौंको भृकुटीमण्डपमा शान्तिपूर्ण जनक्रान्तिका उपलब्धिहरुलाई संस्थागत गरौं, जनताको बहुदलीय जनवादको मार्गदर्शनमा समृद्ध नेपाल निर्माण गरौं ! भन्ने मूल नाराका साथ नेकपा (एमाले) को नवौँ राष्ट्रिय महाधिवेशन सम्पन्न भएको थियो ।

नेपाली समाजको विश्लेषणका सम्बन्धमा परम्परागत रुपमा गर्दै आएको विश्लेषणलाई परिमार्जन गर्दै महाधिवेशनले नेपाली समाज पुँजीवादी चरणमा प्रवेश गरेको निष्कर्ष निकालेर समाजवाद निर्माणतर्फ पार्टीलाई अघि लैजाने निर्णय गरेको थियो ।

लोकतान्त्रिक प्रतिस्पर्धाका माध्यमबाट कमरेड केपी शर्मा ओलीको नेतृत्वमा नयाँ केन्द्रीय कमिटी निर्वाचित भएको थियो ।

कमरेड केपी ओली नेतृत्वमा आउनुभएपछि नेकपा (एमाले) सुस्पष्ट दृष्टिकोण र वजनदार नेतृत्वसहित राष्ट्रिय राजनीतिको मियो पार्टीका रुपमा स्थापित भएको थियो । उहाँकै पहल र दृढ नेतृत्वमा संविधानसभाबाट नयाँ संविधान बन्न सकेको थियो भने नयाँ संविधान बनेपछि उहाँ प्रधानमन्त्री निर्वाचित हुनुभएको थियो ।

२०७४ को स्थानीय तह निर्वाचनमा नेकपा (एमाले) एक्लैले ४५ प्रतिशत हाराहारीमा स्थानीय तहको नेतृत्वमा विजय हासिल ग¥यो । २०७४ असोज १४ गते नेकपा (एमाले) र माओवादी केन्द्रका अध्यक्षबीच वाम गठबन्धन गरी आम निर्वाचनमा जाने र निर्वाचनलगत्तै पार्टी एकता गर्ने सात बुँदे सहमति भयो । मंसिर १० र २१ गते सम्पन्न आमनिर्वाचनमा वाम गठबन्धनले दुई तिहाई हाराहारी स्थानमा विजय हासिल ग¥यो र २०७४ फागुन ३ गते केपी शर्मा ओली दोस्रोपटक प्रधानमन्त्री नियुक्त हुनुभयो । २०७५ जेठ ३ गते नेकपा (एमाले) र नेकपा (माओवादी केन्द्र) एकीकृत भएर नेपाल कम्युनिस्ट पार्टी (नेकपा) को गठन भएकोमा पार्टीभित्र मूल नेतृत्वका विरुमा तीब्र गुटबन्दी भएका कारण अवस्था अस्वस्थ बन्दै गएको बेला २०७७ फागुन २३ गते सर्वोच्च अदालतबाट अर्कै पार्टीसँग नाम मिलेका आधारमा २०७५ जेठ ३ को एकता बदर भएको फैसला भएपछि नेकपा (एमाले) पुनःस्थापित भएको छ ।

पार्टीको विधान, नेतृत्व र नीतिको अवज्ञा गर्दै केही फुटपरस्त, व्यक्तिकेन्द्रित र अवसरवादी व्यक्तिहरुले नेकपा (एमाले) लाई विभाजन गर्न कांग्रेस र माओवादीको साहरा लिएर अध्यादेशका नाममा अस्थायी कानुनका आधारमा पार्टी विभाजन गर्न कोसिस गरे पनि आम नेतृत्व, कार्यकर्ता र जनता नेकपा (एमाले) पक्षमा दृढतापूवर्वक उभिएका छन् ।

नेपाल कम्युनिष्ट पार्टी (एमाले) नवौं राष्ट्रिय महाधिवेशनबाट निर्वाचित केन्द्रीय कमिटी (समायोजन तथा मनोननयनसहित) २५ असार– १ साउन, २०७१, काठमाडौँ क्र.सं.