काठमाडौं । नेकपा एकीकृत समाजवादीका केन्द्रीय सदस्य साधुराम चौलागाई नेकपा (एमाले) मा प्रवेश गर्नुभएको छ ।
महोत्तरीको बर्दिबासमा आइतबार आयोजित कार्यक्रममा नेकपा (एमाले) का पोलिटव्युरो सदस्य सुमन प्याकुरेलले चौलागाईं लगायतलाई पार्टीमा स्वागत गर्नुभयो ।
नेकपा (एमाले) प्रवेश गर्ने अन्य नेताहरूमा नेकपा एसका प्रदेश कमिटी सदस्य कमला वाइवा, नेकपा माओवादी केन्द्रका प्रदेश कमिटी सदस्य जिवछ चौधरी लगायत हुनुहुन्छ ।