detail-img

सशस्त्र प्रहरीका पूर्व एसएसपीसहित सात सय जना एमालेमा प्रवेश 

दमक । नेकपा (एमाले) का अध्यक्ष केपी शर्मा ओलीले गठबन्धन सरकारले १४ महिनामा देश बर्बाद पारेको वताउनुभएको छ ।  
झापाको दमकमा आइतबार बृहत पार्टी प्रवेश कार्यक्रमलाई सम्बोधन गर्दै अध्यक्ष ओलीले अब कसैले पनि गठबन्धनको जालझेलमा अलमलिने अवस्था नभएको बताउनुभयो ।

कार्यक्रममा सशस्त्र प्रहरीका पूर्व एसएसपी भरतबाबु कार्कीसहित विभिन्न पार्टीबाट सातसय भन्दा बढी मानिस एमालेमा प्रवेश गरेका थिए । 
नेकपा (एमाले) ले अघि बढाएका सबै विकास निर्माणका काममा अहिले रोकावट आएको र गठबन्धन सरकारले देशलाई निरन्तर ओरालोतिर लगेको भन्दै अध्यक्ष ओलीले २१ औँ शताब्दीका जनताले मुलुकको विकास कुन पार्टीले गर्नसक्छ भनेर बुझ्न आवश्यक रहेको बताउनुभयो ।  
उहाँले आगामी मंसिर ४ गते हुने निर्वाचनमा एमालेको बहुमतको सरकार निर्माण आवश्यक रहेकोमा जोड दिनुभयो । 
अध्यक्ष ओलीले भन्नुभयो– ‘नेकपा एमाले विजयी हुनु भनेको हामीले शुरू गरेको विकास र समृद्धि यात्राको विजय हो । एमाले पराजित हुनु भनेको यो अभियान पराजित हुनु हो ।’ 
नेपालमा ३० औँ बर्षसम्म नबनेका सडक, भौतिक पूर्वाधार विकासका काम एमालेको सरकारले तीनबर्षको कार्यकालमा भएको,  हजारौँ पुल बनेका, तुइनका ठाउँमा पुल बनाई तुइनमुक्त युगमा प्रवेश गरेको उहाँले वताउनुभयो । 
अध्यक्ष ओलीले देशमा भएको एकमात्र अन्तर्राष्ट्रिय विमानस्थललाई अत्याधुनिक बनाउनुका साथै क्षमता बृद्धि गरिएको, राष्ट्रिय र क्षेत्रीय स्तरका विमास्थलको स्तरउन्नति गरिएको वताउनुभयो । 
कार्यक्रममा भर्खरै मात्र एमालेमा प्रवेश गर्नुभएका नेपाल प्रहरीका पूर्व प्रहरी महानिरिक्षक सर्वेन्द्र खनालले अवको मुलुक हाक्ने क्षमता एमाले र यसका अध्यक्ष केपी ओलीमा मात्र भएको धारणा राख्नुभयो । 

लोकप्रिय समाचार

cpnuml

नेतृ चौधरी सुनसरी–३ बाट प्रतिनिधि सभा सदस्य निर्वाचित

इटहरी । सुनसरी निर्वाचन क्षेत्र नं. ३ बाट प्रतिनिधि सभा सदस्यमा नेकपा (एमाले) उम्मेदवार भगवती चौधरी निर्वाचित हुनुभएको छ । 

cpnuml

सचिव महासेठ धनुषा– ४ बाट प्रतिनिधि सभा सदस्य निर्वाचित

काठमाडौं । नेकपा (एमाले) का सचिव रघुवीर महासेठ धनुषा निर्वाचन क्षेत्र नं. ४ बाट प्रतिनिधि सभा सदस्यमा निर्वाचित हुनुभएको छ ।

cpnuml

बुथ कब्जा भएका ठाउँमा पुनः मतदान गराउन आयोगलाई ध्यानाकर्षण 

काठमाडौं । नेपाल कम्युनिष्ट पार्टी (एमाले) ले बुथ कब्जा भएका विभिन्न जिल्ला र निर्वाचन क्षेत्रका मतदान केन्द्रमा पुनः मतदान गराउन निर्वाचन आयोगलाई ध्यानाकर्षण गराएको छ । 

cpnuml

इलाम–१ बाट बस्नेत प्रतिनिधि सभा सदस्य निर्वाचित 

इलाम । इलाम निर्वाचन क्षेत्र नं. १ मा नेकपा (एमाले) का उम्मेदवार महेश वस्नेत एकीकृत समाजवादीका नेता एवं पूर्वप्रधानमन्त्री झलनाथ खनाललाई हराउँदै प्रतिनिधि सभा सदस्यमा निर्वाचित हुनुभएको छ ।

cpnuml

उपाध्यक्ष नेम्वाङ प्रतिनिधि सभा सदस्य निर्वाचित 

इलाम । नेकपा (एमाले) का उपाध्यक्ष सुवासचन्द्र नेम्वाङ इलाम निर्वाचन क्षेत्र नं. २ बाट प्रतिनिधिसभा सदस्यमा निर्वाचित हुनुभएको छ । 

नेकपा (एमाले) को मोबाइल एप डाउनलोड गर्नुहोस् ।

cpnuml
सम्पर्क

कुनै प्रश्न वा सुझाव भएमा यहाँबाट पठाउनुहोस् ।

https://github.com/igoshev/laravel-captcha