detail-img

लोसपाका छजना केन्द्रीय सदस्य, कपिलवस्तु जिल्ला  समिति र तीनहजार कार्यकर्ता एमालेमा प्रवेश

कपिलवस्तु । लोकतान्त्रिक समाजवादी पार्टी (लोसपा) का छ जना केन्द्रीय सदस्य र कपिलवस्तु जिल्ला समिति तीनहजार कार्यकर्तासहित नेकपा (एमाले) मा समाहित भएको घोषणा गरिएको छ । 
मङ्गलवार कपिलवस्तुको पकडीमा आयोजित विशाल जनसभा तथा पार्टी प्रवेश कार्यक्रममा लोसपाका केन्द्रीय सदस्यहरू मधुसदन शरण चौधरी, सन्तराम अग्रहरी, भगवानदास चौधरी, राजमति यादव, सरसती चमकटिया र जामवन्ती भुज (गुप्ता) एमालेमा प्रवेश गर्नुभयो । 
त्यसैगरी लोसपाका कपिलवस्तु जिल्ला समितिका अध्यक्ष कैलाश अग्रहरी र सिङ्गो जिल्ला समितिका साथै मातहतका सबै समितिलाई पनि एमालेमा समाहित भएको घोषणा गरियो । कार्यक्रममा लोसपा र अन्य दलहरू त्याग गरी तीनहजार जना भन्दा बढी एमालेमा प्रवेश गरेका छन् । 
नवप्रवेशीहरूलाई नेकपा (एमाले) का उपमहासचिव प्रदीप ज्ञवालीले माला र अवीर लगाई पार्टीमा स्वागत गर्नुभयो ।


सो कार्यक्रमलाई सम्वोधन गर्दै उपमहासचिव प्रदीप ज्ञवालीले हुलाकी सडक बनेसँगै तराईको मुहार फेरिएको वताउनुभयो । नेता ज्ञवालीले तराई मधेश समृद्धि कार्यक्रम, सीमा क्षेत्र विकास, राजमार्गलाई चौडा पार्ने काम, राजमार्गदेखि तराईको सदरमुकामका जिल्लालाई चार लेनको सडकमा  विस्तार गर्ने काम एमाले सरकारले गरेको वताउनुभयो ।  
विगतमा एमाले सरकारले नागरिकता अध्यादेश ल्याएर नागरिकताको समस्या समाधान गर्न खोजेको भए पनि सेटिङमा चल्ने सर्वोच्च अदालतले रोक लगाएको स्मरण गर्दै नेता ज्ञवालीले एमाले नागरिकता समस्याको स्थायी समाधानको पक्षमा रहेको स्पष्ट पार्नु भयो ।

सो जनसभामा बोल्दै नव प्रवेशी नेता चौधरीले आफू मधेशको सच्चा कार्यकर्ता भएको र देशको एक मात्र सच्चा पार्टी एमाले  देखिएकाले आफूहरू सामुहिक रूपमा एमालेमा प्रवेश गरेको बताउनुभयो । 
केही दिन अघि एमाले प्रवेश गर्नुभएकी निवर्तमान सांसद अमृता अग्रहरीले ३० वर्ष मधेशवादी राजनीति गरे पनि मधेशको मुक्ति एमालेबाट मात्र सम्भव देखेर हजारौं नेता कार्यकर्ता एमाले प्रवेश गरेको तर्क गर्नुभयो । 
नेता दानबहादुर चौधरीले यतिबेला तराई मधेशमा एमालेको लहर देखेर पाँचदलीय गठबन्धन चुनाबबाट डराइरहेको बताउनुभयो । 
यस्तै एमाले प्रवेश गर्नुभएका लोसपाका जिल्ला अध्यक्ष कैलाश अग्रहरीले मधेशवादी दल वास्तवमै विदेशीका गोटी बनेकाले आफूहरू एमाले प्रवेश गरेर राष्ट्रहित प्रवद्र्धन गर्न तयार भएको स्पष्ट पार्नु भयो । 
नेकपा (एमाले) कपिलवस्तुका जिल्ला अध्यक्ष डम्मर शर्माको अध्यक्षतामा भएको कार्यक्रममा एमालेका नेता पशुपति दयाल मिश्र, मंगलप्रसाद गुप्ता लगायतले सम्बोधन गर्नुभएको थियो । 

लोकप्रिय समाचार

cpnuml

नेतृ चौधरी सुनसरी–३ बाट प्रतिनिधि सभा सदस्य निर्वाचित

इटहरी । सुनसरी निर्वाचन क्षेत्र नं. ३ बाट प्रतिनिधि सभा सदस्यमा नेकपा (एमाले) उम्मेदवार भगवती चौधरी निर्वाचित हुनुभएको छ । 

cpnuml

सचिव महासेठ धनुषा– ४ बाट प्रतिनिधि सभा सदस्य निर्वाचित

काठमाडौं । नेकपा (एमाले) का सचिव रघुवीर महासेठ धनुषा निर्वाचन क्षेत्र नं. ४ बाट प्रतिनिधि सभा सदस्यमा निर्वाचित हुनुभएको छ ।

cpnuml

बुथ कब्जा भएका ठाउँमा पुनः मतदान गराउन आयोगलाई ध्यानाकर्षण 

काठमाडौं । नेपाल कम्युनिष्ट पार्टी (एमाले) ले बुथ कब्जा भएका विभिन्न जिल्ला र निर्वाचन क्षेत्रका मतदान केन्द्रमा पुनः मतदान गराउन निर्वाचन आयोगलाई ध्यानाकर्षण गराएको छ । 

cpnuml

इलाम–१ बाट बस्नेत प्रतिनिधि सभा सदस्य निर्वाचित 

इलाम । इलाम निर्वाचन क्षेत्र नं. १ मा नेकपा (एमाले) का उम्मेदवार महेश वस्नेत एकीकृत समाजवादीका नेता एवं पूर्वप्रधानमन्त्री झलनाथ खनाललाई हराउँदै प्रतिनिधि सभा सदस्यमा निर्वाचित हुनुभएको छ ।

cpnuml

उपाध्यक्ष नेम्वाङ प्रतिनिधि सभा सदस्य निर्वाचित 

इलाम । नेकपा (एमाले) का उपाध्यक्ष सुवासचन्द्र नेम्वाङ इलाम निर्वाचन क्षेत्र नं. २ बाट प्रतिनिधिसभा सदस्यमा निर्वाचित हुनुभएको छ । 

नेकपा (एमाले) को मोबाइल एप डाउनलोड गर्नुहोस् ।

cpnuml
सम्पर्क

कुनै प्रश्न वा सुझाव भएमा यहाँबाट पठाउनुहोस् ।

https://github.com/igoshev/laravel-captcha