२०३५ /०३६ सालको विद्यार्थी आन्दोलनको प्रभाव देशव्यापी बनिरहेको थियो । काठमाडौँ, विराटनगर, पोखरा, धरानजस्ता सहरहरूमा विद्यार्थी आन्दोलनका गतिविधिहरू व्यापकरूपमा सञ्चालन भइरहेका थिए। तिनै प्रभावित क्षेत्रबाट दशैं तिहार आदि चाडबाडमा घर पुगेका विद्यार्थीहरू मार्फत यस आन्दोलनको जानकारी र प्रभाव विभिन्न शैलीमा गाउँगाउँ पुग्थ्यो । २०३६ सालको दशैँमा काठमाडौँ र धरान, विराटनगरबाट चाडपर्व मान्न घर आएका विद्यार्थीहरूले प्रगतिशील, जनवादी गीतहरू सुनाउँथे। अन्याय र अत्याचारको विरोध समानताको पक्षपोषण गरिएका जनताको मायाले ओतप्रोत गीतहरू सुनेपछि ममा जनवादी चेतनाको बीज रोपिएको थियो। परिणामस्वरूप दृष्टिकोणमा वामपन्थी आन्दोलनप्रतिको आकर्षणको मार्ग कोरियो।
English
