वुवा :वोधराज ढुंगेल र आमा:लक्ष्मी ढुंगेलका तिन सन्तान (एक छोरा र दुइ छोरी) मध्ये जेष्ठ सन्तानको रुपमा २०३४ असोज ५ गते मेरो जन्म भएको थियो । मेरो वुवा २०६३ सालमा फोक्सोको क्यान्सर भएर वित्नु भयो । सामान्य हुलाकी वुवा र नितान्त गृहिणी आमाको सन्तानको रुपमा जन्म लिएर मैले गाउँकै स्कुलवाट एसएलसी पास गरेर क्याम्पस पढ्न महेन्द्रमोरङ क्याम्पस विराटनगर पुगेको थिएँ । अंग्रेजी, गणीत र अर्थशास्त्र लिएर आर्टस पढेको, पछि नेपाल ल क्याम्पसवाट वि एल पास गरी अधिवक्ताको लाईसेन्स लिएको छु । पाटन संयुक्त क्याम्पसवाट समाजसास्त्रमा र त्रिवि किर्तिपूरवाट राजनीतिक शास्त्रमा मास्टर्स गरेको छु । सिन्धुपाल्चोक सुनकोशी गाउँपालिका घर भएकी राजनीतिमा सकृय महिला सरिता दाहालसँग २०५९ सालमा विवाह भएको र हामीवाट एक छोरी र एक छोरा गरी दुई सन्तान भएका छन्। हामीलेआफन्त र आफ्नै घर परिवारको साथमा सामान्य ढंगले परिवार सञ्चालन गरी रहेका छौं । जीवन संगीनीको वैंकमा सामान्य जागिर, केहि कम्पनीहरुमा सेयर र आफ्नो मिहिनेतको कमाई अनि साथीभाईको सादभाव र मायाको वलमा म पार्टी कामलाई निरन्तरता दिई रहेको छु । मेरो राजनीतिक अविभावक वुवाकै उमेरको दाजु रामप्रसाद ढुंगेल हुनुहुन्छ । आजसम्म उहाँको निरन्तर अविभावकत्व पाईरहेको छु । मेरो प्रतिवद्धता विचार सहितको निष्ठाको राजनीती, युवा प्रतिको विश्वास, राष्ट्रिय स्वाभिमानको रक्षा र देश विकासको रणनीति !!
English
