detail-img

लोसपाका नेता अरगरियासहित धनुषामा चारहजार जना एमालेमा प्रवेश 

सरकारले राष्ट्रपतिको अपमान गरेको छः अध्यक्ष ओली 
धनुषा । नेकपा (एमाले) का अध्यक्ष केपी शर्मा ओलीले नागरिकता विधेयकमाथि छलफल गर्न राष्ट्रपतिले दिएको सुझावलाई संसदभित्र छलफलै नगरी विधेयकलाई जस्ताको त्यस्तै पठाएर सरकारले राष्ट्रपतिको अपमान गरेको वताउनुभएको छ ।  
नेकपा (एमाले) जिल्ला कमिटी धनुषाले  जिल्लाको निर्वाचन क्षेत्र नं.२ को  तीनकौरिया चोकमा शनिबार आयोजना गरेको वृहत पार्टी प्रवेश कायक्रमलाई सम्बोधन गर्दै अध्यक्ष ओलीले उक्त धारणा व्यक्त गर्नुभएको हो । 
उहाँले सरकारले बहुमतको दम्भमा विधेयकमा अनावश्यक कुरा राखेर प्रतिपक्षीसँग कुनै छलफलै नगरी नागरिकता विधेयकलाई दोस्रो पटक जस्ताको त्यस्तै राष्ट्रपतिकहाँ पठाएको बताउनुभयो । 
जन्मसिद्ध नेपाली नागरिकका सन्तानलाई नागरिकता दिने पक्षमा एमाले सदैव तत्पर रहेको भन्दै अध्यक्ष ओलीले आफु प्रधानमन्त्री रहेको समयमा नागरिकता समस्या समाधान गर्न खोज्दा अहिले गठबन्धनमा रहेकैहरूले संसदको समितिमा अगाडि बढ्न नदिएका र पछि अध्यादेशमार्फत जन्मसिद्ध नेपाली नागरिकका सन्तानलाई नागरिकता दिन थालिएकामा मुद्दा हालेर रोकेको वताउनुभयो ।  
उहाँले मंसिर ४ गतेको निर्वाचनपछि एमाले नेतृत्वको सरकार बन्ने र एक महिनाभित्रमा नागरिकता समस्या समाधान गर्ने प्रतिवद्धता व्यक्त गर्नुभयो ।  अध्यक्ष ओलीले भन्नुभयो– ‘एमालेले नेपाली नागरिकलाई नागरिकता दिनुपर्छ भन्छ तर गठबन्धनभित्रका दलहरूले गैर नेपालीलाई पनि नागरिकता दिन चाहन्छन्, यसै विषयमा समस्या उत्पन्न भएको हो ।’    
उहाँले एमाले नेतृत्वको सरकारले विगतमा देश र जनताका लागि गरेका कामले एमालेप्रति जनताको आकर्षण रहेको र प्रवेशको लहर चलेको बताउनुभयो । 
अध्यक्ष ओलीले अरू पार्टी छाडेर एमाले प्रवेश गर्नेको सङ्ख्या लाख नाघेको भन्दै एमालेमा प्रवेशको क्रम चलिरहने बताउनुभयो । 
देश विकास र जनताको हित नै एमालेको एकमात्र स्वार्थ रहेको र देश विकाससँगै तराई–मधेशको विकास एमालेले मात्रै गर्न सक्छ भन्दै अध्यक्ष ओलीले पहिलो पटक मतदान गर्ने युवालाई  देश विकासको पक्षमा मतदान गर्न आग्रह गर्नुभयो ।

 
नेकपा (एमाले) धनुषाका अध्यक्ष राजकिशोर यादवको अध्यक्षतामा भएको सो कार्यक्रममा लोकतान्त्रिक समाजवादी पार्टीका निवर्तमान सचेतक  एवं नेता उमाशंकर अरगरियासहित विभिन्न पार्टी परित्याग गरी चार हजारको सङ्ख्यामा नेताकार्यकर्ताहरू एमालेमा प्रवेश गरेका थिए । 
अध्यक्ष ओलीले नवप्रवेशीहरूलाई माला र गम्छा लगाएर स्वागत गर्नुभयो । अध्यक्ष ओलीलाई स्थानीय नेताकार्यकर्ताले २०५ किलोको फूलको माला लगाएर सम्मान गरेका थिए । कार्यक्रममा एमालेका सचिव एवम मधेश प्रदेश इन्चार्ज रघुवीर महासेठ, स्थायी कमिटी सदस्य प्रभु साह, पोलिटव्यूरो सदस्य  जुली महतो र  केन्द्रीय सदस्यहरूको उपस्थिति रहेको थियो ।


अध्यक्ष ओली रेल चढेर कार्यक्रम स्थल 
अध्यक्ष ओली धनुषाको निर्वाचन क्षेत्र नं. २ मा पर्ने विदेह नगरपालिकामा आयोजना गरिएको पार्टी प्रवेश कार्यक्रममा जाँदा नेपाली रेल चढेर रेलयात्रा गर्नुभयो ।


अध्यक्ष ओली प्रधानमन्त्री भएकै समयमा सरकारले धनुषाको कुर्थादेखि जनकपुरधाम हुँदै भारतको जयनगरसम्म रेल सेवा सञ्चालनका लागि रेल किनेको थियो । 
पूर्वप्रधानमन्त्री ओली रेलमा महिनाथपुरसम्म यात्रा गर्नुभएको हो । उहाँसँगै सचिव रघुवीर महासेठ, स्थायी कमिटीका सदस्य प्रभु साह, पोलिटव्यूरो सदस्य जुली महतो लगायत नेताहरू रेलमा यात्रा गर्नुभएको थियो ।
नेकपा (एमाले) ले नेपाल रेल्वे कम्पनीबाट ५६ वटा एसी क्लास तथा ८६ वटा साधारण वोगीको रेलका टिकट खरिद गरी अध्यक्ष ओली र अन्य नेताहरूलाई रेलको यात्रा गराएको हो ।

 

लोकप्रिय समाचार

cpnuml

नेतृ चौधरी सुनसरी–३ बाट प्रतिनिधि सभा सदस्य निर्वाचित

इटहरी । सुनसरी निर्वाचन क्षेत्र नं. ३ बाट प्रतिनिधि सभा सदस्यमा नेकपा (एमाले) उम्मेदवार भगवती चौधरी निर्वाचित हुनुभएको छ । 

cpnuml

सचिव महासेठ धनुषा– ४ बाट प्रतिनिधि सभा सदस्य निर्वाचित

काठमाडौं । नेकपा (एमाले) का सचिव रघुवीर महासेठ धनुषा निर्वाचन क्षेत्र नं. ४ बाट प्रतिनिधि सभा सदस्यमा निर्वाचित हुनुभएको छ ।

cpnuml

बुथ कब्जा भएका ठाउँमा पुनः मतदान गराउन आयोगलाई ध्यानाकर्षण 

काठमाडौं । नेपाल कम्युनिष्ट पार्टी (एमाले) ले बुथ कब्जा भएका विभिन्न जिल्ला र निर्वाचन क्षेत्रका मतदान केन्द्रमा पुनः मतदान गराउन निर्वाचन आयोगलाई ध्यानाकर्षण गराएको छ । 

cpnuml

इलाम–१ बाट बस्नेत प्रतिनिधि सभा सदस्य निर्वाचित 

इलाम । इलाम निर्वाचन क्षेत्र नं. १ मा नेकपा (एमाले) का उम्मेदवार महेश वस्नेत एकीकृत समाजवादीका नेता एवं पूर्वप्रधानमन्त्री झलनाथ खनाललाई हराउँदै प्रतिनिधि सभा सदस्यमा निर्वाचित हुनुभएको छ ।

cpnuml

उपाध्यक्ष नेम्वाङ प्रतिनिधि सभा सदस्य निर्वाचित 

इलाम । नेकपा (एमाले) का उपाध्यक्ष सुवासचन्द्र नेम्वाङ इलाम निर्वाचन क्षेत्र नं. २ बाट प्रतिनिधिसभा सदस्यमा निर्वाचित हुनुभएको छ । 

नेकपा (एमाले) को मोबाइल एप डाउनलोड गर्नुहोस् ।

cpnuml
सम्पर्क

कुनै प्रश्न वा सुझाव भएमा यहाँबाट पठाउनुहोस् ।

https://github.com/igoshev/laravel-captcha