काठमाडौं । भक्तपुर जिल्लाका नेपाली काँग्रेसका नेता चन्द्र श्रेष्ठ र काठमाडौंको निर्वाचन क्षेत्र नं. ४ का नेपाली काँगेस निकट व्यवसायी प्रेम अग्रवाल नेकपा (एमाले) मा प्रवेश गर्नुभएको छ । 
अध्यक्ष केपी शर्मा ओलीले विहीबार साँझ बालकोटमा उहाँहरूलाई खादा र अवीर लगाई पार्टीमा स्वागत गर्नुभयो ।

उक्त कार्यक्रममा भक्तपुरमा काँग्रेस नेता श्रेष्ठसहित ३५ जना र भक्तपुरको सिरुटारका नेकपा एकीकृत समाजवादीका मिलन थापासहित १५ जना एमालेमा प्रवेश गर्नुभयो । 

यसैगरी दाङको घोराही उपमहानगरपालिका वडा नं.७ मा विहीबार साँझ आयोजित रात्रिकालीन कार्यकर्ता भेलामा स्थानीय हनुमान चौधरी, जनक चौधरी, राजन चौधरी, विपिन चौधरी र बीरबहादुर चौधरी एमालेमा प्रवेश गर्नुृभएको छ । 

यस्तै, नेकपा माओवादी केन्द्र घोराही उपमहानगरपालिका वडा नं.  १५ का सचिव नारायण कार्की, वडा सदस्यहरू पदम ढुङ्गाना, कमल खनाल र टेकबहादुर नेपाली नेकपा (एमाले) मा प्रवेश गर्नुभएको छ । 
पार्टीका महासचिव शंकर पोखरेल, पोलिटव्यूरो सदस्य सुजिता शाक्य र केन्द्रीय सदस्य जीवन गौतम लगायत नेताहरूले  उहाँहरूलाई पार्टीमा स्वागत गर्नुभयो ।